ტენდერში გამარჯვებულმა, რომელიც 8 იანვარს დასახელდება, სამინისტროს ძაღლებისთვის 15 000 კგ მშრალი საკვები ეტაპობრივად, 2015 წლის 30 ნოემბრამდე, ყოველ ჯერზე მოთხოვნიდან 25 დღის განმავლობაში უნდა მიაწოდოს.
ტენდერის პირობებით აუცილებელია ძაღლის საკვებს გააჩნდეს შემდეგი ძირითადი მახასიათებლები:
პროტეინი არანაკლებ – 25 % და არაუმეტეს – 28 %;
ნედლი უჯრედანა (ბოჭკო) – არანაკლებ – 1.2 % და არაუმეტეს – 1.6 %;
ცხიმი – არანაკლებ – 14 % და არაუმეტეს – 17 %;
ტენიანობა – არანაკლებ – 8 % და არაუმეტეს – 10 %;
ვიტამინი A – არანაკლებ 13000 UI/kg. და არაუმეტეს 15000 UI/kg;
ვიტამინი D3 – არანაკლებ 700 UI/kg. და არაუმეტეს 1000 UI/kg;
ვიტამინი E – არანაკლებ 400 მგ/კგ და არაუმეტეს 600 მგ/კგ;
ვიტამინი C – არანაკლებ 150 მგ/კგ და არაუმეტეს 300 მგ/კგ;
ნაცარი – არაუმეტეს 6 %;
საკვების შემადგენლობაში უნდა შედიოდეს არანაკლებ შემდეგი
კომპონენტები: კალციუმი, სპილენძი, რკინა, თუთია და იოდი.
საკვები უნდა შეიცავდეს ცხიამიან მჟავას ომეგა-3-ს ან/და ომეგა-6-ს;
საკვები განკუთვნილი უნდა იყოს საშუალო ზომის ძაღლებისათვის.
ტომარაზე გარკვევით უნდა იყოს მითითებული ფირმის დასახელება და ვის მიერ არის წარმოებული, დამზადებისა და ვარგისიანობის ვადა. ამასთანავე, უნდა იყოს მითითებული საკვების შემცველობა, კვების ნორმები, საკვების კალორიულობის პროცენტის მაჩვენებლები, ცხიმი, მინერალები, ვიტამინები და სხვა.
შემოტანის დროს არ უნდა იყოს დარღვეული ტომარის მთლიანობა;
დაფასოებული უნდა იყოს წყალგაუმტარ პოლიეთილენის ტომრებში (შესაძლებელია შემოთავაზებულ იყოს სხვადასხვა წონის ტომრები).
ელექტრონულ ტენდერში პრეტენდენტთა წინადადებების მიღება 5 იანვრიდან დაიწყება.
