Batumelebi | აჭარის ჯანდაცვის სამინისტრო მედიკოსებს დააჯილდოებს აჭარის ჯანდაცვის სამინისტრო მედიკოსებს დააჯილდოებს – Batumelebi
RU | GE  

აჭარის ჯანდაცვის სამინისტრო მედიკოსებს დააჯილდოებს

 

2014 წლის 23 დეკემბერს, 17:00 საათზე, ბათუმის სახელმწიფო მუსიკალურ ცენტრში „მედიცინის მუშაკის დღესთან“ დაკავშირებით აჭარის ჯანდაცვის სამინისტრო სამედიცინო დარგის სპეციალისტებს დააჯილდოებს. 

 

2014 წელს აჭარის მოსახლეობის სამედიცინო მომსახურების საქმეში შეტანილი წვლილისათვის სიგელები და სიმბოლური საჩუქარები 13 ექიმს და სამინისტროს 6 თანამშრომელს გადაეცემა.   

ღონისძიების ფარგლებში დაგეგმილია პრეზენტაციები აჭარის ჯანდაცვის სამინისტროს 2014 წლის საქმიანობის, ქ. ბათუმის რესპუბლიკური საავადმყოფოს პერსპექტივების, ქ. ბათუმის რეფერალური საავადმყოფოს მიღწევების და სარეაბილიტაციო ცენტრ „თანას“ საქმიანობის შესახებ. 

 

სადღესასწაულო ღონისძიებას დაესწრებიან აჭარის ავტონომიური რესპუბლიკის მთავრობის თავმჯდომარე არჩილ ხაბაძე; უმაღლესი საბჭოს თავმჯდომარე ავთანდილ ბერიძე; უმაღლესი საბჭოს ჯანმრთელობისა და სოციალური დაცვის საკითხთა კომისიის თავმჯდომარე ჯემალ ფუტკარაძე; სამედიცინო დაწესებულებების ხელმძღვანელები და სამინისტროს წარმომადგენლები.


ღონისძიების ფარგლებში „აჭარის ექიმთა საზოგადოება“ სამედიცინო დაწესებულების 6 ხელმძღვანელს და ერთ ექიმს დააჯილდოებს.  

 

მედიცინის მუშაკის დღე აჭარაში 1996 წლის 23 დეკემბერიდან აღინიშნება. 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"