დღეს ბათუმის საკრებულოს სხდომაზე ქვეწარმავლებისა და ტურების მომრავლებაზეც იმსჯელეს. საკრებულოს წევრმა, თემურ ყურაშვილმა განაცხადა, რომ მასთან მივიდნენ ამომრჩევლები და ჯავახიშვილის ქუჩაზე ქვეწარმავლების მომრავლებაზე შესჩივლეს. საკრებულოს წევრმა, ჯაბა ბერიძემ კი, მის სამაჟორიტარო უბანში, მახინჯაურში, ტურების მომრავლებაზე ისაუბრა. „ ვიცი, რომ გიყვართ მერიაში ნადირობა და მიხედეთ მაგ საქმეს“, – მიმართა საკრებულოს წევრმა მერიის წარმომადგენლებს.
როგორ დაიცავს მერია ამომრჩეველს ქვეწარმავლებისა და ტურებისგან, ამაზე საკრებულოს წევრებისთვის მერიის წარმომადგენლებს დღეს სხდომაზე არ უპასუხიათ.
