Batumelebi | მერიაში საჯარო მოხელეთა შესარჩევი კონკურსი1 იანვრამდე დასრულდება მერიაში საჯარო მოხელეთა შესარჩევი კონკურსი1 იანვრამდე დასრულდება – Batumelebi
RU | GE  

მერიაში საჯარო მოხელეთა შესარჩევი კონკურსი1 იანვრამდე დასრულდება

 

დღეს 15 დეკემბერს, ბათუმის მერიაში საჯარო მოხელეთა ვაკანტურ თანამდებობებზე გამოცხადებული კონკურსის მესამე ატაპი მიმდინარეობს.

გასაუბრება დღის ორ საათზე, ხელოვნების უნივერსიტეტის საკონფერენციო დარბაზში დაიწყება. საჯარო მოხელეტა კონკურსი, პირველ იანვრამდე უნდა დასრულდეს.

 

 

ბათუმის ხელოვნების უნივერსიტეტი
კონკურსანტებთან გასაუბრება ხელოვნების უბივერსიტეტში მიმდინარეობს

 

 

გასაუბრებამდე მისვლა 331 კონკურსანტმა შეძლო. ამ კონკურსანტებს მთლიანობაში 889 პოზიციაზე აქვთ განაცხადი შეტანილი.

 

„ერთ კონკურსანტს შეეძლო ხუთ ვაკანსიაზე წარედგინა განაცხადი, შესაბამისად, ერთ კონკურსანტთან ხუთჯერ გვიწევს შეხვედრა“- აცხადებს, საკონკურსო კომისიის თავმჯდომარის მოადგილე, ნუკრი დეკანაძე.

 

მისი ინფორმაციით, ტესტირების გავლის შემდეგ, იუსტიციის სახლს საჩივრით 20 კონკურსანტმა მიმართა. „იუსტიციის სახლმა ყველა საჩივარი განიხილა და უსაფუძვლობის გამო, აპლიკანტების საჩივარი არ დააკმაყოფილა“.

 

 

არასამთავრობო ორგანიზაცია „სამართლიანი არჩევნების“ წარმომადგენელი მადონა  ბერიძე, „ბათუმელებთან“ საუბარში ადასტურებს რომ აპლიკანტების საჩივარი უსაფუძლო იყო და კონკურსის მიმდინარე ეტაპზე, მნიშვნელოვანი დარღვევები არ დაფიქსირებულა. 

 

 

ტესტირება ბათუმის მერიაში 32-მა მოვალეობის შემსრულებელმა ვერ გადალახა. 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"