Batumelebi | მოქალაქე რომელიც აცხადებდა რომ ემუქრებოდნენ, საქართველოში შემოვიდა მოქალაქე რომელიც აცხადებდა რომ ემუქრებოდნენ, საქართველოში შემოვიდა – Batumelebi
RU | GE  

მოქალაქე რომელიც აცხადებდა რომ ემუქრებოდნენ, საქართველოში შემოვიდა

 

 მოქალაქე გიორგი ბერიძე, რომელიც ახალგაზრდა იურისტთა ასოციაციის განცხადებით უკრაინაში იძულებით იმყოფებოდა, დღეს საქართველოში დაბრუნდა. 

საქართველოს ახალგაზრდა იურისტთა ასოციაციის ცნობით, მათ უკრაინიდან დაუკავშირდა საქართველოს მოქალაქე გიორგი ბერიძე, რომელიც, მისი განცხადებით, აჭარის შსს-ს სამმართველოს მაღალჩინოსნების გადაწყვეტილებით იძულებით იმყოფება საქართველოს ფარგლებს გარეთ.

“გიორგი ბერიძის განმარტებით, მას როგორც ნასამართლევ პირს, აჭარის შსს სამმართველოს თანამშრომლებმა მოსთხოვეს ქვეყნის 10 დღით დატოვება, წინააღმდეგ შემთხვევაში აჭარის მთავარი სამმართველოს უფროსის მოადგილე, ლევან ხარაბაძე, მას იარაღის ჩადებით დაემუქრა”, – ნათქვამია საია-ს განცხადებაში.

ორგანიზაციის ცნობით, გიორგი ბერიძე, განხორციელებული ზეწოლის შედეგად, იძულებული გახდა 2014 წლის 21 აგვისტოს ქვეყანა დაეტოვებინა.

“როგორც გიორგი ბერიძე აცხადებს, მიმდინარე წლის 7 სექტემბერს, საქართველოში დაბრუნებისას, ბათუმის საერთაშორისო აეროპორტში, მას დახვდნენ აჭარის შსს მთავარი სამმართველოს თანამშრომლები, რომლებმაც უკანონოდ არ მისცეს ქვეყანაში შემოსვლის უფლება, ჩასვეს ავტომანქანაში, მიიყვანეს სარფის სასაზღვრო გამშვებ პუნქტთან და კვლავ იძულებით დაატოვებინეს ქვეყნის ტერიტორია”, – ნათქვამია საია-ს განცხადებაში.

ნეტგაზეთის მასალების სხვა გამოცემებში გადაბეჭდვის წესი
"ბათუმელები"