მოუვლელი მცენარეები და გაზონები ჭაობის დასახლებაში


ეს არის ბათუმი, მელიქიშვილის ქუჩა. აქ არსებული მშვენიერი ბუჩქოვანი მცენარეები ბალახშია ჩაფლული. ამ ქუჩაზე, ჭაობის დასახლების მხარეს, წელს გაზონები არც ერთხელ არ გაუწმენდიათ ბალახისგან. ამას ისიც ემატება, რომ მთელს ქუჩაზე მაღლივ კორპუსებს აშენებენ, რომელთაგან არც ერთს არ აქვს დამცავი ბადე, შესაბამისად, გარშემო ყველაფერი – მცენარეებიც და სახლებიც სამშენებლო მტვრით არის დაფარული.

20170808_100816ბათუმის მერიის გამწვანებისა და ლანდშაფტური დაგეგმარების სამსახურის უფროსი, ლევან ჭანუყვაძე ამ ტერიტორიის მოუვლელობის მიზეზებზე საუბრისას ამბობს: „ყველგან ასე ამოდის [ბალახი] და ძალები არ გვყოფნის. მთელი ინტენსივობით ვმუშაობთ. 12 საათის მერე ძალიან სიცხეებია, ხალხს აღარ ვამუშავებთ და ამან დაგვხია ცოტა უკან. როცა 30 გრადუსს ასცდება ტემპერატურა, მერე ვაჩერებთ. ეს მხარე, პუშკინის იქეთ მაინც პერიფერიად ითვლება. ამით იმის თქმა კი არ მინდა, რომ პერიფერიას ნაკლებ ყურადღებას ვაქცევთ, მაგრამ ნაკლებ ყურადღებას ვაქცევთ იმისთვის, რომ ტურისტი იყოს უფრო კმაყოფილი, ვიდრე… ახლა ასე ითხოვს ჩვენი პოლიტიკა, ხომ ასეა? ყველა გაკრეჭილი გვაქვს პრინციპში, ბაგრატიონის ქუჩაც“.

20170807_100838ლევან ჭანუყვაძის ინფორმაციით, სკვერების და გაზონების გასუფთავებაზე „დაქირავებული მუშახელი მუშაობს“ და მათ დღიურად 24 ლარს უხდიან.

მელიქიშვილის ქუჩის ის მონაკვეთი, რომელიც წელს არც ერთხელ არ გაუწმენდიათ, ბათუმიის მერიის ადმინისტრაციული შენობიდან 700 მეტრის მოშორებით არის.20170808_100444

 

 

ნეტგაზეთის მასალების სხვა გამოცემებში გადაბეჭდვის წესი
ავტორი
ეთერ თურაძე არის გაზეთ "ბათუმელების" მთავარი რედაქტორი 2001 წლიდან