Batumelebi | ბათუმის საკრებულოში ვაკანტურ თანამდებობებზე კონკურსი გამოცხადდა ბათუმის საკრებულოში ვაკანტურ თანამდებობებზე კონკურსი გამოცხადდა – Batumelebi
RU | GE  

ბათუმის საკრებულოში ვაკანტურ თანამდებობებზე კონკურსი გამოცხადდა

 

დღეს, ბათუმის საკრებულოში არსებულ  ვაკანტურ თანამდებობებზე კონკურსი დაიწყო.  

 

კონკურსანტები ტესტირებას იუსტიციის სასწავლო ცენტრის მიერ შემუშავებული ტესტებით გადიან. საკრებულოში არსებულ 13 ვაკანსიაზე  სულ 671  განაცხადი შევიდა, აქედან პირველი ეტაპი 358  კონკურსანტმა გადალახა, რომლებიც მეორე   ეტაპზე ტესტირებას გაივლიან, ხოლო მესამე ეტაპზე გასაუბრებას.

 

საკრებულოში მიმდინარე კონკურსს,   არასამთავრობო ორგანიზაცია დემოკრატიის ინსტიტუტის აღმასრულებელი დირექტორი არჩილ ხახუტაიშვილი და პროფესიული კავშირების აჭარის რესპუბლიკური გაერთიანების თავმჯდომარე ილია ვერძაძე აკვირდებიან.

 

კონკურსი 2 დეკემბრამდე გაგრძელდება.

 

 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"