დღეს, 27 ივლისს, ბათუმში შავი ზღვის რიგით მე-11 ჯაზფესტივალი იხსნება. ფესტივალს კლუბ Take Five -ში CORY HENRY & THE FUNK APOSTLES -ი გახსნის.
ფესტივალის ფარგლებში 28 ივლისს, 20:00 საათზე, ბათუმის ჩოგბურთის მოედანზე JAMIROQUAI იმღერებს, რომლის კონცერტზეც დასასწრები ყველა ბილეთი გაყიდულია. 29 ივლისს ბათუმელი მსმენელის წინაშე DE LA SOUL -ი წარსდგება, 30 ივლისს კი ფესტივალს JOSS STONE დახურავს. მათ კონცერტებზე დასასწრები ბილეთები ჯერ ისევ იყიდება.
ფესტივალის სამივე დღეს კლუბ Take Five-ში MATTHEW HARTNETT & THE GUMBO ALL STARS-ის, LOU BERRY-ს, KORDZ & GIORGI ZAGARELI-სა და MF ROBOTS-ის კონცერტები გაიმართება.
