Batumelebi | №3 საპყრობილეში 6 პატიმარი შიმშილობს №3 საპყრობილეში 6 პატიმარი შიმშილობს – Batumelebi
RU | GE  

№3 საპყრობილეში 6 პატიმარი შიმშილობს

 

28 ოქტომბრის მონაცემებით, ბათუმის №3 საპყრობილეში პატიმარები შიმშილობენ. “ბათუმელებმა” ეს ინფორმაცია წერილობითი სახით საქართველოს სასჯელაღსრულებისა და პრობაციის სამინისტრომ დაუდასტურა. საჯარო ინფორმაციის მიღებიდან რამდენიმე დღეში ინფორმაციის გადამოწმება სამინისტროს პრესსამსახურში ვცადეთ. 

 

გვაინტერესებდა მოშიმშილე პატიმრების რიცხვი ბათუმში შემცირდა თუ გაიზარდა. 
სამინისტროს პრესსამსახურის თანამშრომელმა, თაია მახარაშვილმა გვითხრა, რომ ამის გასაგებად სამინისტროს ისევ წერილობითი ფორმით უნდა მივმართოთ (ეს უწყება წერილობით პასუხს, როგორც წესი, ათ დღეში გვაწვდის).

 

2014 წლის 10 მაისიდან (საპყრობილე ბათუმში მაისში გაიხსნა) 2014 წლის 28 ოქტომბრის ჩათვლით პატიმრობისა და თავისუფლების აღკვეთის N3 დაწესებულებამ 535 პატიმარი მიიღო. ამავე პერიოდში 90 პატიმარი შიმშილობდა. 28 ოქტომბრის მდგომარეობით პატიმრობისა და თავისუფლების აღკვეთის N3 დაწესებულებაში იმყოფება 171 პატიმარი. აქედან ექვსი შიმშილობს.
მაისიდან ოქტომბრამდე 35 პატიმარი იყო მოთავსებული სამარტოო საკანში, კარანტინში კი _ 452 პატიმარი იმყოფებოდა

 

 

ნეტგაზეთის მასალების სხვა გამოცემებში გადაბეჭდვის წესი
ნათია როყვა