Batumelebi | ღამის თავშესაფარი 40 ბენეფიციარს მიიღებს ღამის თავშესაფარი 40 ბენეფიციარს მიიღებს – Batumelebi
RU | GE  

ღამის თავშესაფარი 40 ბენეფიციარს მიიღებს

 

ბათუმის მერიის ღამის თავშესაფარი, ნოემბრიდან 40 ბენეფიციარს მიიღებს. თავშესაფრის უზრუნველსაყოფად ბიუჯეტიდან 9 800 ლარი დაიხარჯება.   

 

არასამეწარმეო გიურიდიული პირის „ბათუმის სოციალური სერვისების სააგენტოს“ დირექტორის ბადრი გოგიძის განცხადებით, სააგენტო დამატებით 20 საწოლის შესყიდვასაც აპირებს:

 

„ახლა ვმუშაობთ საგანგებო რეჟიმში და გვინდა ახალი საწოლების შეძენაც, რადგან წყალდიდობა ან რაიმე გაუთვალისწინებელი შემთხვევა რომ მოხდეს, ამისთვის მომზადებული ვიყოთ“.  

 

ღამის თავშესაფარი ურეხში, ყოფილი ბავშვთა სახლის შენობაშია განთავსებული.

 

სოციალური სააგენტოს ხელმძღვანელის ინფორმაციით, მიმდინარე წელს ვერ მოხერხდა უფასო სასადილოების რემონტი, რადგან შენობა-ნაგებობები არ იყო სააგენტოს ბაზაზე. 

 

„ამისთვის 20 ათასი ლარი გვქონდა გამოყოფილი, მაგრამ თანხა ისევ მერიას დავუბრუნეთ. იმედია მომავალ წელს გადმოგვცემემ შენობებს და გავარემონტებთ“-აცხადებს დირექტორი.

 

სააგენტომ მერიას დაუბრუნა ეკონომიებისგან მიღებული 49 500 ლარიც: „ეს ეკონომია ელექტროენერგიის ხარჯის დაზოგვით მოხდა, რადგან სისტემა ბუნებრივ აირზე გადავიყვანეთ“. 

  

ნეტგაზეთის მასალების სხვა გამოცემებში გადაბეჭდვის წესი
"ბათუმელები"