ბათუმის მერიის მრავალშვილიანი და მარტოხელა დედების სოციალური დახმარების პროგრამაში ცვლილება შევიდა. სამსახურის უფროსის, სოფო მიქელაძის განცხადებით, სოციალურად დაუცველი, მრავალშვილიანი და მარტოხელა დედების შვილები დღეიდან უფასო ჩოგბურთის პროგრამაშიც ჩაერთვებიან.
სოფო მიქელაძის განცხადებით, გადაწყვეტილების მიღება მოქალაქეების მოთხოვნის საფუძველზე მოხდა. ამ პროგრამის ფარგლებში სპორტული და სახელოვნებო მიმართულების პროგრამებისთვის 464 800 ლარია გათვალისწინებული. აქედან, ასი ათასი ლარი ჩოგბურთის მიმართულებით დაიხარჯება.
