Batumelebi | აჭარის ჯანდაცვის მინისტრს ახალი მოადგილე ჰყავს აჭარის ჯანდაცვის მინისტრს ახალი მოადგილე ჰყავს – Batumelebi

აჭარის ჯანდაცვის მინისტრს ახალი მოადგილე ჰყავს

 

აჭარის ავტონომიური რესპუბლიკის მთავრობის თავმჯდომარის N125 ბრძანების საფუძველზე აჭარის ავტონომიური რესპუბლიკის ჯანმრთელობისა და სოციალური დაცვის მინისტრის მოადგილედ ზურაბ თენიეშვილი დაინიშნა. 

 

ზურაბ თენიეშვილი
ზურაბ თენიეშვილი

აჭარის ჯანდაცვის სამინისტროს პრესსამსახურის ცნობით, ზურაბ თენიეშვილი პროფესიით ექიმია, 1982 წელს დაამთავრა ყუბანის სახელობის სამედიცინო ინსტიტუტი ქ. კრასნოდარში. 1973–1975 წწ მუშაობდა ქ. ბათუმის სასწრაფო სამედიცინო დახმარების სადგურში, 1982–1988 წწ მუშაობდა ექიმ ოფთალმოლოგად ქ. ბათუმის რესპუბლიკურ საავადმყოფოში, 1988–2004 წწ საქართველოს უშიშროების სამინისტროს ქ. ბათუმის პოლიკლინიკის სამედიცინო სამსახურის უფროსად, 2004–2014 წწ იყო საქართველოს შინაგან საქმეთა სამინისტროს სამედიცინო სამსახურის სამმართველოს უფროსის მოადგილე. 

ზურაბ თენიეშვილი აჭარის ავტონომიური რესპუბლიკის ჯანმრთელობისა და სოციალური დაცვის სამინისტროში სოციალურ სფეროს უხელმძღვანელებს.

ნეტგაზეთის მასალების სხვა გამოცემებში გადაბეჭდვის წესი
"ბათუმელები"