Batumelebi | ზედამხედველობის სამსახურის პასუხი ღია ჭებთან დაკავშირებით ზედამხედველობის სამსახურის პასუხი ღია ჭებთან დაკავშირებით – Batumelebi
RU | GE  

ზედამხედველობის სამსახურის პასუხი ღია ჭებთან დაკავშირებით

 

გუშინ ბაგრატიონის ქუჩაზე, ღია ჭაში სამი ავტომანქანა ჩავარდა. ვის ეკისრება  პასუხისმგებლობა ქალაქში არსებულ ღია ჭებთან დაკავშირებით? „ბათუმელები“ ქალაქის ზედამხედველობის სამსახურს დაუკავშირდა. 

 

 

 

ძლიერი წვიმა ბათუმში. გელა ძნელაძის ფოტო
ძლიერი წვიმა ბათუმში. გელა ძნელაძის ფოტო

 

ზედამხედველობის სამსახურის უფროსი ზაალ მამუჭაძე, „ბათუმელებთან“ კომენტარში აცხადებს, რომ ქალაქში არსებულ ღია ჭებს აკონტროლებენ, თუმცა იყო თუ არა უსაფრთხოების ნორმები დაცული ბაგრატიონის ქუჩაზე, ამ კითხვაზე პასუხი არ აქვს:

 

„გადავამოწმებ ინფორმაციას და გავიგებ“- აცხადებს ის. ზაალ მამუჭაძის ინფორმაციით, ბაგრატიონის ქუჩის რეაბილიტაციას, ქალაქის კეთილმოწყობის სამსახური ახორციელებს და შესაბამისად, უსაფრთხოების ზომებიც მას უნდა მიეღო.

 

„თუ მონიტორინგის დროს ვნახულობთ  კანალიზაციის ღია ჭებს,  ვუკავშირდებით და საქმის კურსში ვაყენებთ მათ, ვისაც ექვემდებარება ეს ჭა. ხალხი ახლაც გაშვებული გვყავს შემოწმებაზე და თუ სადმე კიდევ აღმოჩნდება ფაქტი, დაგვირეკავენ“-აცხადებს სამსახურის უფროსი.  

 

ბათუმში ძლიერი წვიმის შედეგად ქუჩების დიდი ნაწილი იტბორება, რის გამოც ღია ჭები როგორც ქვეითებს, ასევე ავტომანქანებსაც საფრთხეს უქმნის.   

ნეტგაზეთის მასალების სხვა გამოცემებში გადაბეჭდვის წესი
"ბათუმელები"