Batumelebi | სურსათის უვნებლობის სამსახურმა ბათუმში „საზანდარსა“ და საშაურმეს საქმიანობა შეუჩერა სურსათის უვნებლობის სამსახურმა ბათუმში „საზანდარსა“ და საშაურმეს საქმიანობა შეუჩერა – Batumelebi

სურსათის უვნებლობის სამსახურმა ბათუმში „საზანდარსა“ და საშაურმეს საქმიანობა შეუჩერა

 

საქართველოს სურსათის უვნებლობის სააგენტოს აჭარის რეგიონული სამმართველოს ინსპექტირების ჯგუფის ბათუმში რეიდის შედეგად სამი კვების ობიექტის მეპატრონე დაჯარიმდა.  მათგან ორს, პუშკინის ქუჩაზე მდებარე „საზანდარსა“ და საშაურმეს ჭავჭავაძის ქუჩაზე, საქმიანობა გარკვეული პერიოდით შეუჩერდა.

 

აჭარის რეგიონალური სამმართველოს უფროსის მოადგილის, გიორგი შერვაშიძე თქმით, საშაურმესა და „საზანდარში“ დარღვეული იყო ტექნოლოგიური პროცესი, კერძოდ, მოუწესრიგებელი იყო გამწოვები. კვების ამ ობიქეტებს გარკვეული პერიოდით შეუჩერდათ  საქმიანობა.


„რაც შეეხება კაფე-ბარ „ოცნებას“, მას ჰქონდა დაახლოებით ერთი თვე პრობლემის აღმოსაფხვრელად, მაგრამ წინა ინსპექტირების დროს გაცემული 9 რეკომენდაციიდამ, მათ 8 არ შეასრულეს და კაფე-ბარი დაჯარიმდა 400 ლარით“ – განაცხადა  გიორგი შერვაშიძემ.

 

გიორგი შერვაშიძის თქმით, სურსათის უვნებლობის სააგენტოს კვების ობიექტებმა პრობლემის აღმოფხვრის შემდგომ განცხადებით უნდა მიმართონ, „ჩატარდება ინსპექტირება და თუ აღმოფხვრილი იქნება პრობლემა, ისინი გააგრძელებენ ჩვეულებრივად საქმიანობას“.  

 

მისივე განმარტებით, წელს აჭარის სურსათის უვნებლობის სამსახურმა გეგმიური ინსპექტირება  151, არაგეგმიური ინსპექტირება კი  47 კვების ობიექტში ჩაატარა. დაჯარიმებულია 87 კვების ობიექტი სხვადასხვა ოდენობის თანხით.

ნეტგაზეთის მასალების სხვა გამოცემებში გადაბეჭდვის წესი
მოხალისე , თაკო ათაბაგი