Batumelebi | შემოსავლების სამსახური: სარფში მოქალაქეებს არადეკლარირებული სიგარეტი ჩამოერთვათ შემოსავლების სამსახური: სარფში მოქალაქეებს არადეკლარირებული სიგარეტი ჩამოერთვათ – Batumelebi
RU | GE  

შემოსავლების სამსახური: სარფში მოქალაქეებს არადეკლარირებული სიგარეტი ჩამოერთვათ

შემოსავლების სამსახურის ინფორმაციით, 3 ივნისიდან 11 ივლისის ჩათვლით, საბაჟო გამშვებ პუნქტებში „სარფი“ და „სადახლო-საავტომობილო“ ფინანსთა სამინისტროს შემოსავლების სამსახურის მებაჟე ოფიცრებმა, ეჭვის საფუძველზე დათვალიერებისას, არადეკლარირებული სიგარეტი [ჯამში 26 300 ღერი] აღმოაჩინეს.

„საქართველოს საგადასახადო კოდექსის 289-ე მუხლის  მე-14 ნაწილის შესაბამისად, სამართალდამრღვევ მოქალაქეებს ჩამოერთვათ არადეკლარირებული საქონელი, სატრანსპორტო საშუალება და შეეფარდათ ფულადი ჯარიმა ათას-ათასი ლარის ოდენობით,“ – აღნიშნულია შემოსავლების სამსახურის მიერ გავრცელებულ განცხადებაში.

ამავე სამსახურის ინფორმაციით, 3 – 9 ივლისს, ქვეყნის მასშტაბით განხორციელებული კონტროლის ღონისძიების შედეგად, საგადასახადო სამართალდარღვევის 1928 ფაქტი გამოვლინდა.

კერძოდ, ფინანსთა სამინისტროს შემოსავლების სამსახურის საგადასახადო მონიტორინგის დეპარტამენტის ოფიცრების მიერ შემოწმდა 9786 გადამხდელი, რის შედეგადაც დაფიქსირდა შემდეგი საგადასახადო სამართალდარღვევები:

  • საქონლის სასაქონლო ზედნადების გარეშე ტრანსპორტირების 91 შემთხვევა;
  • ეკონომიკური საქმიანობის გადასახადის გადამხდელად საქართველოს კანონმდებლობით დადგენილი წესის დარღვევით განხორციელების 116 ფაქტი;
  • მომხმარებელთან ნაღდი ფულით ანგარიშსწორებისას საკონტროლო-სალარო აპარატის გამოუყენებლობის 1721 შემთხვევა.

 

 

 

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com