Batumelebi | ბათუმში სმენის შეზღუდვის მქონე პირთა საერთაშორისო კვირეული აღინიშნა ბათუმში სმენის შეზღუდვის მქონე პირთა საერთაშორისო კვირეული აღინიშნა – Batumelebi
RU | GE  

ბათუმში სმენის შეზღუდვის მქონე პირთა საერთაშორისო კვირეული აღინიშნა

 

სმენის შეზღუდვის მქონე პირთა საერთაშორისო კვირეული 1958 წლიდან სექტემბრის ბოლო კვირას რეგულარულად აღინიშნება მსოფლიოს მრავალ ქვეყანაში. კვირეულის მიზანია სმენის შეზღუდვის მქონე პირთა გააქტიურება, მათ კულტურასა და სოციალურ ინტეგრაციასთან დაკავშირებულ გამოწვევებზე საზოგადოებრივი ცნობიერების ამაღლება.

 

28 სექტემბერს   ბათუმში საზოგადოებრივი ორგანიზაცია „სთეფ ფორვარდისა“ და სმენადაქვეითებულ ბავშვთა მშობლების საინიციატივო ჯგუფის მიერ კვირეული აღინიშნა „თითების თეატრის“ წარმოდგენით.

 

მოეწყო გასართობი თამაშები და ბავშვთა ნახატების გამოფენა. გავრცელდა საინფორმაციო ფლაერები. ღონისძიება ჩატარდა ევროკავშირის მიერ დაფინანსებული პროექტის ფარგლებში –  „სმენადაქვეითებულ ბავშვთა საზოგადოებაში წარმატებული ინტეგრაციის ხელშეწყობა“.

 

სტატიაზე პასუხისმგებელია საზოგადოებრივი ორგანიზაცია „სთეფ ფორვარდი“. სტატია შესაძლოა არ ემთხვეოდეს ევროკავშირის პოზიციას.

ნეტგაზეთის მასალების სხვა გამოცემებში გადაბეჭდვის წესი
netgazeti.ge