აჭარის კულტურული მემკვიდრეობის დაცვის სააგენტო ბათუმში ხულოს ქუჩაზე მდებარე ძველი აბანოების შენობის რეაბილიტაციას და შენობაში „ბათუმის მუზეუმის“ გახსნას გეგმავს.
სამშენებლო კომპანიის შესარჩევად სააგენტომ ტენდერი უკვე გამოაცხადა. სამუშაოებისთვის 550 000 ლარია გათვალისწინებული.
რეკონსტრუქციის არქიტექტურული პროექტი შენობის ნაწილობრივ დემონტაჟს ითვალისწინებს: „გუმბათებისა და მზარდი კედლების შენარჩუნებით მათში არსებული ლოკალური დაზიანებების პირველადი აღდგენით.“
ტენდერით გათვალისწინებული ვადების მიხედვით სააგენტომ კომპანია 10 ოქტომბრამდე უნდა შეარჩიოს.
