Batumelebi | მთავრობა სტიქიისგან მიყენებულ ზარალს ითვლის მთავრობა სტიქიისგან მიყენებულ ზარალს ითვლის – Batumelebi
RU | GE  

მთავრობა სტიქიისგან მიყენებულ ზარალს ითვლის

 

აჭარის მთავრობა რეგიონისთვის სტიქიის მიერ მიყენებულ ზარალს ითვლის. დღეს აჭარის მთავრობის აპარატის უფროსმა რუსლან ქორიძემ და აჭარის ჯანდაცვის მინისტრმა ნუგზარ სურმანიძემ ქედასა და ხელვაჩაურში სტიქიის სალიკვიდაციო სამუშაოები მოინახულეს. 

 

საგანგებო შტაბის წევრებმა ხელვაჩაურის მუნიციპალიტეტის სოფელ ჭანივრში ღვარცოფის შედეგად დაზიანებული გზის აღდგენითი სამუშაოები დაათვალიერეს.  მთავრობის წევრბი ასევე იმყოფებოდნენ სოფელ მახოში, სადაც მეწყრის შედეგად  შიდა საავტომობილო გზა დაზიანდა.  აღნიშნულ მონაკვეთზე მოძრაობა უკვე აღდგენილია. ხელვაჩაურის მუნიციპალიტეტის გამგებლის ნადიმ ვარშანიძის განმარტებით სტიქიის შედეგად დაზიანებული გზების აღდგენა დასასრულს უახლოვდება.

 

 

 

დღესვე  ქედის მუნიციპალიტეტის 3 სოფელში გეგელიძეებში, კოკოტაურსა და ცხმორისში მიწის მასისგან გზების გაწმენდა მიმდინარეობდა.

 

„სტიქიის შემდეგ აღდგენითი სამუშოები დოლოგნიდან დავიწყეთ. ქედაში სტიქიის შედეგად მოყენებული ზარალი 100 000 ლარის ფარგლებშია. ჩვენ ასევე დავითვალეთ დოლოგანში 5 ოჯახისათვის მიყენებული ზიანი. აქ სტიქიამ ადგილობრივებს კარტოფილისა და სიმინდის ნარგავები გაუნადგურა, დაზარალებული ოჯახები თანხას უახლოეს დღეებში მიიღებენ“,–აღნიშნა ქედის მუნიციპალიტეტის გამგებელმა დავით დუმბაძემ.

 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"