Batumelebi | სარფში ალჟირის მოქალაქეები დააკავეს სარფში ალჟირის მოქალაქეები დააკავეს – Batumelebi
RU | GE  

სარფში ალჟირის მოქალაქეები დააკავეს

 

ბათუმში, შსს-ს სასაზღვრო პოლიციის პირველი სამმართველოს   თანამშრომლებმა (პირველი სასაზღვრო სექტორის)   სარფში დასაცავ მონაკვეთზე ჩატარებული ღონისძიებების შედეგად, სახელმწიფო საზღვრის ჯგუფურად  უკანონოდ გადაკვეთის ბრალდებით ალჟირის რესპუბლიკის  ორი  მოქალაქე  -1987  წელს  დაბადებული  სოუფიამე  ბ. და  1988   წელს  დაბადებული   ზაქარია მ.  დააკავეს.

 

 

 

სასაზღვრო პოლიცია

 შს სამინისტროს, სასაზღვრო პოლიციის ინფორმაციით, დაკავებულებმა 24 სექტემბერს, სარფის სასაზღვრო-საკონტროლო გამტარი პუნქტის გვერდის ავლით საქართველო-თურქეთის სახელმწიფო საზღვარი უკანონოდ გადაკვეთეს.
გამოძიება საქართველოს სახელმწიფო საზღვრის ჯგუფურად უკანონოდ გადაკვეთის ფაქტზე მიმდინარეობს (საქართველოს სსკ-ს 344-ე მუხლის მე-2 ნაწილის „ა“ ქვეპუნქტით). გამოძიებას სასაზღვრო პოლიციის საგამოძიებო-ოპერატიული მთავარი სამმართველო აწარმოებს.

ნეტგაზეთის მასალების სხვა გამოცემებში გადაბეჭდვის წესი
" ბათუმელები"