Batumelebi | ბათუმის ციხე პატიმრებით შეივსო ბათუმის ციხე პატიმრებით შეივსო – Batumelebi
RU | GE  

ბათუმის ციხე პატიმრებით შეივსო


“ბათუმელების” ინფორმაციით, ბათუმის #3 საპყრობილე პატიმრებს ვეღარ იტევს და დაწესებულებაში მხოლოდ იმ პატიმრებს იღებენ, რომლებსაც აღკვეთი ღონისძიების სახით გირაო აქვთ შეფარდებული და თანხის გადახდის შემდეგ საპატიმროს დატოვებენ. 


სხვა პატიმრები კი ქუთაისში გადაჰყავთ. ამის პარალელურად ბათუმში პატიმრები რუსთავის#6 საპყრობილედან გადმოიყვანეს, კჲთხვაზე, რატომ გადმოიყვანეს პატიმრები ბათუმში, სასჯელაღსრულებისა და პრობაციის სამინისტროს ინფორმაციით, #6 დაწესებულებაში განთავსებულ მსჯავრდებულთა სხვადასხვა დაწესებულებებში გადანაწილება განპირობებულია მოცემულ დაწესებულებაში სარემონტო სამუშაოების დაწყებით.”  


სამინისტროს ინფორმაციით ბათუმის მესამე დაწესებულებაში შევსებულია საკარანტინო და საპატიმრო ადგილები, ხოლო თავისუფლება აღკვეთილის მსჯავრდებულების მიღება შესაძლებელია.


მესამე საპყრობილე 244 პატიმარზეა გათვლილი.

ნეტგაზეთის მასალების სხვა გამოცემებში გადაბეჭდვის წესი
ნათია როყვა