Batumelebi | აჭარის ჯანდაცვის მინისტრი დღეს პროგრამების პრეზენტაციას გამართავს აჭარის ჯანდაცვის მინისტრი დღეს პროგრამების პრეზენტაციას გამართავს – Batumelebi
RU | GE  

აჭარის ჯანდაცვის მინისტრი დღეს პროგრამების პრეზენტაციას გამართავს

 

დღეს, 14:00 საათზე, აჭარის ჯანდაცვის სამინისტროს ინიციატივით გაიმართება შეხვედრა აჭარის მუნიციპალიტეტების გამგეობების ჯანმრთელობისა და სოციალური დაცვის სამსახურების ხელმძღვანელებთან. შეხვედრაზე  სამინისტროსა და გამგეობების 2015 წლის ჯანმრთელობისა და სოციალური დაცვის პროგრამების პროექტები განიხილება.

 

სამინისტროს ინფორმაციით, შეხვედრის მიზანია უწყებებს შორის ინფორმაციის გაცვლა, ერთიანი სამოქმედო გეგმის შემუშავება და მოსახლეობის საჭიროებებზე მორგბული პროგრამების შედგენა.

 

შეხვედრას, აჭარის ჯანდაცვის მინისტრი ნუგზარ სურმანიძე უხელმძღვანელებს, მინისტრი 2015 წლის პროგრამების პროექტებს პრეზენტაციის სახით წარადგენს. შეხვედრის მონაწილეები მოისმენენ მუნიციპალიტეტების სამსახურების ხელმძღვენელების მოხსენებებსაც. სამუშაო შეხვედრა გაიმართება აჭარის   ჯანმრთელობისა და სოციალური დაცვის სამინისტროში. მისამართი:   ბათუმი, კომახიძის ქ. N19. 

ნეტგაზეთის მასალების სხვა გამოცემებში გადაბეჭდვის წესი
" ბათუმელები"