Batumelebi | სოფელ ჩანჩხალოში სწავლა არ დაიწყო სოფელ ჩანჩხალოში სწავლა არ დაიწყო – Batumelebi
RU | GE  

სოფელ ჩანჩხალოში სწავლა არ დაიწყო

 

 დღეს შუახევის მუნიციპალიტეტის სოფელ ჩანჩხალოს საჯარო სკოლაში სასწავლო პროცესი ჩაიშალა. მიზეზი მოსწავლეთა მშობლების პროტესტი იყო. სოფელში მიმდინარე გვირაბის მშენებლობის გამო სკოლის შენობას გაუჩნდა ბზარები, რის გამოც მშობლები შვილების სკოლაში გაშვებაზე უარს აცხადებენ.

 

 

 

 „ბათუმელები“ ამ თემაზე ჩანჩხალოს სკოლის დირექტორს დავით მიქელაძეს ესაუბრა. „შეიქმნა 10 კაციანი ჯგუფი, ხვალ 2 საათზე შედგება შეხვედრა გეოლოგებთან. დადებითი პასუხის მიღების შემთხვევაში სწავლა ზეგისთვის განახლდება. ჩვენ მზად ვართ განვაახლოთ სასწავლო პროცესი”-განაცხადა დირექტორმა.

 

 

აჭარის განათლების მინისტრის ლადო მგალობლიშვილის განცხადებით, სკოლის უსაფრთხოებასთან დაკავშირებით გეოლოგიური დასკვნა უკვე დადებულია:

 

 

„ძირითადი მიზეზი სწავლის შეჩერების ის იყო რომ შენობა არის ავარიულიო. პარასკევს იყო გაგზავნილი სპეციალისტები და დაიდო უკვე დასკვნა რომ შენობაში სწავლის გაგრძელება შესაძლებელია. ჩვენც ვაპირებთ სოფელში ჩასვლასაც რომ დაველაპარაკოთ მოსახლეობას“. 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"