ამ წუთებში ბათუმის საქალაქო სასამართლოში ქურდული სამყაროს წევრობისთვის ბრალდებულთა საქმეს განიხილავენ. მოსამართლე ხვიჩა კიკილაშვილმა რამდენჯერმე მისცა შენიშვნა ადვოკატს და პროკურორს, რომ პროცესს დახურავდა. აყალმაყალი სასამართლო პროცესზე პროკურორ რამაზ შანიძის შესავალ სიტყვას მოჰყვა.
პროკურორმა ბრალდებულებზე განაცხადა, რომ ისინი საზოგადოებისთვის საშიში პირები არიან. მისი შეფასებით, ბრალდებულები კრიმინალური ავტორიტეტით მოქალაქეებს თანხას ძალავდნენ. აღნიშნული ბრალდებით ხუთი პირია დაკავებული. ერთ-ერთი მათგანი შიმშილობს.
