Batumelebi | არჩილ ხაბაძე: ფრაქცია ქართული ოცნება მურმან დუმბაძის მოსაზრებებს ემორჩილება არჩილ ხაბაძე: ფრაქცია ქართული ოცნება მურმან დუმბაძის მოსაზრებებს ემორჩილება – Batumelebi
RU | GE  

არჩილ ხაბაძე: ფრაქცია ქართული ოცნება მურმან დუმბაძის მოსაზრებებს ემორჩილება

 

„ავთო ბერიძემ შეხვედრისას მთხოვა დამეთხოვა მთავრობა და წარმედგინა ახალი შემადგენლობა, მხოლოდ ერთი მინისტრის – დავით ბალაძის გარეშე. ამ შემთხვევაში, ისინი პირობას დებდნენ, რომ მინისტრთა კაბინეტს ნდობას გამოუცხადებდნენ.“ – აჭარის მთავრობის თავმჯდომარის, არჩილ ხაბაძის განცხადებას  უმაღლესი საბჭოს თავმჯდომარესთან, ავთანდილ ბერიძესთან შეხვედრის შესახებ მთავრობის ვებგვერდი ავრცელებს.  


„ჩვენ არ დავთანხმდებით მათ წინადადებას, რადგანაც მათი მოთხოვნა სუბიექტური ინტერესებიდან გამომდინარეობს. ფრაქცია ქართული ოცნება მურმან დუმბაძის მოსაზრებებს ემორჩილება. არსებული ურთიერთობები უმაღლეს საბჭოსა და რეგიონის მთავრობას შორის არის მურმან დუმბაძის კლანის ახირება და პირადი ინტერესი. ამ ახირებაზე მათთვის სასარგებლო გადაწყეტილებას ვერ მივიღებთ. მთავრობას განვკარგავ მე და მე გადავწყვეტ ვინ გააგრძელებს მუშაობას. თუ რომელიმე აღმოჩნდება სუსტი რგოლი – გავათავისუფლებთ და მის ადგილას სხვა დაინიშნება. ამ ეტაპზე მინისტრებიც შეცვლა არ იგეგმება.


პოლიტსაბჭოს წევრებმა განაცხადეს, რომ ეს იყო თვითნებური თამაში და ხვალ ყველაფერი გადაწყდება. ჩვენ ვაგრძელებთ ჩვენს კურსს. ნაცმოძრაობის წევრები მართავენ ამ სიტუაციას ქვეყნის შიგნით და გარეთ, ამას ადასტრებს მურმან დუმბაძისა და მისი გუნდის წევრების ქმედებები და საეჭვო გააქტიურება, რაც ემთხვევა ქვეყნის გარედან ყოფილი ნაცმოძრაობის წევრების გადაადგილებებსა და განცხადებებს.“  – აღნიშნულია არჩილ ხაბაძის განცხადებაში. 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"