წიგნები 50 %-მდე ფასდაკლებით ბათუმში, ევროპის მოედანზე, 22 და 23 ივნისს გაიყიდება.
აქციის – „მოიზღვავე წიგნების“ ფარგლებში 8 გამომცემლობის წიგნების შეძენაა შესაძლებელი. გამოფენა-გაყიდვაში მონაწილეობენ გამომცემლები: „წიგნები ბათუმში“, „აზრი“, „არეტე“, „არტანუჯი“,„დიოგენე“, „ინტელექტი“, „ლოგოს პრესი“ ,„ლაზარე. “
წიგნების გამოფენა-გაყიდვას ბათუმში უკვე მეორე წელია წიგნების გამავრცელებელი კომპანია „ირიათონი“ აწყობს მხატვრული ლიტერატურის პოპულარიზაციის მიზნით.
აქცია ევროპის მოედანზე დილის 12-დან საღამოს 8 საათამდე გაგრძელდება.
