Batumelebi | “Aსინქრონის” წარდგენა ბათუმში “Aსინქრონის” წარდგენა ბათუმში – Batumelebi
RU | GE  

“Aსინქრონის” წარდგენა ბათუმში

 

დღეს მაღაზია “წიგნები ბათუმში”  პროზაიკოს ეკატერინე ტოგონიძესთან შეხვედრა გაიმართება. მკითხველს საშუალება ექნება ავტორთან ერთად განიხილოს „ბაკურ სულაკაურის გამომცემლობის“ მიერ გამოცემული რომანი „Aსინქრონი“, რომელიც ლიტერატურული პრემია “საბა 2014-ის”  ნომინანტია.

 

 

„Aსინქრონი“ ეკატერინე ტოგონიძის პირველი რომანია. ავტორმა წიგნი შეზღუდული შესაძლებლობის მქონე ადამიანებს მიუძღვნა. რომანი განსაკუთრებულ შემთხვევაზე მოგვითხრობს – ეხება თემას, რომელზეც ნაკლებად საუბრობენ. მთავარი გმირების პროტოტიპები ამერიკელი დები არიან, თუმცა მოვლენები აქ  ქართულ გარემოში ვითარდება, შეუწყნარებელ საზოგადოებაში, სადაც უჭირთ განსხვავებულის მიღება, სადაც პირადი ტრაგედია შესაძლოა საცირკო სანახაობად იქცეს. 

 

შეხვედრა მწერალთან 19:00 საათზე დაიწყება. დასწრება თავისუფალია.

ნეტგაზეთის მასალების სხვა გამოცემებში გადაბეჭდვის წესი
"ბათუმელები"