Batumelebi | „იყიდება“ – წარწერა ხულოს საკრებულოს ჯიპზე „იყიდება“ – წარწერა ხულოს საკრებულოს ჯიპზე – Batumelebi
RU | GE  

„იყიდება“ – წარწერა ხულოს საკრებულოს ჯიპზე

ხულოს მუნიციპალიტეტის საკრებულოს ბალანსზე არსებული ავტომობილი MITSUBISHI L200,  სახელმწიფო ნომრით VJV 848 ბათუმში, „ხოფის ბაზრობაზე“ დგას წარწერით – იყიდება. „ბათუმელების“ ინფორმაციით, სახელმწიფოს კუთვნილ ავტომობილს ხულოს საკრებულოს თავმჯდომარე 10 000 დოლარად ყიდის. აღნიშნულ ფაქტს უარყოფს საკრებულოს თავმჯდომარე ჯამბულ ხოზრევანიძე. ის აცხადებს, რომ ავტომობილი ბათუმში შესაკეთებლად არის.

 

ხულოს საკრებულოს კუთვნილი ჯიპი წარწერით - „იყიდება“
ხულოს საკრებულოს კუთვნილი ჯიპი წარწერით – „იყიდება“

 

ჯამბულ ხოზრევანიძე: „საკრებულოს ბალანსზე ორი ავტომობილი იყო, ჩვენს მოსვლამდე ერთი გაყიდეს,  რაც შეეხება მეორე ავტომობილს არ მუშაობს, შესაკეთებლად ბათუმში ჩავიყვანეთ, შეკეთებაში 12 000 ლარს გვთხოვენ, მე როგორც საკრებულოს თავმჯდომარე მიმაჩნია,  რომ 2010 წელს ნაყიდ ავტომობილის რემონტში არ შეიძლება ამდენი თანხა გადავიხადოთ. ჯერ არაფერი არ იყიდება, ცრუ ინფორმაციას ავრცელებენ, საკრებულოს ავტომობილი გაჩერებულია და ჩემი საკუთარი ავტომობილით გადავაადგილდები“.

ნეტგაზეთის მასალების სხვა გამოცემებში გადაბეჭდვის წესი
"ბათუმელები"