Batumelebi | არჩილ ხაბაძის პასუხი მუქარაზე არჩილ ხაბაძის პასუხი მუქარაზე – Batumelebi
RU | GE  

არჩილ ხაბაძის პასუხი მუქარაზე

 

არჩილ ხაბაძე ალეკო ჩიტიშვილის მუქარას პასუხობს, ბათუმელები ტექსტს უცვლელად გთავაზობთ:

 

“მაქვს სურვილი გამოვეხმაურო ალექსანდრე ჩიტიშვილის განცხადებას ჩემს მიმართ უნდობლობის გამოცხადებასთან დაკავშირებით. ჩემთვის გაუგებარია, რას ნიშნავს საქართველოს პარლამენტის ვიცე-სპიკერის გუნდი, რომელიც ცალკე პოლიტიკურ სუბიექტს არ წარმოადგენს და არის ქართული ოცნების კოალიციის ნაწილი? თუ ვინმეს საკუთარ ნათესავსა თუ ახლობელთან დაკავშირებით განხორციელებული ცვლილება არ მოსწონს, ეს მისი პირადი საქმეა. 

 

 

ჩვენ ყველა ვართ ქართული ოცნების გუნდის წევრები და აღმასრულებელი ხელისუფლება უფლებამოსილია განახორციელოს საჭირო საკადრო როტაცია და გადახალისება. 

 

ჩვენ ყველა ერთად ვზრუნავთ მოსახლეობის კეთილდღეობაზე და სხვადასხვა კულტურული თუ საგანმანათლებლო პროგრამების ჯეროვნად შესრულებაზე. სადაც ხარვეზია, იქ ცვლილების წინააღმდეგ წასვლა, მიუღებლად მიმაჩნია. ჩვენი მიზანია ქვეყანა იყოს პოლიტიკურად და ეკონომიკურად ძლიერი. საკადრო პოლიტიკაც სწორედ ამ კუთხით ხორციელდება და სრულ თანხვედრაშია ქართული ოცნების საკადრო პოლიტიკასთან.“

ნეტგაზეთის მასალების სხვა გამოცემებში გადაბეჭდვის წესი
"ბათუმელები"