მთავარი,სიახლეები

ბათუმის ბულვარში ზოოკუთხე განახლდება

09.06.2017 • 3476
ბათუმის ბულვარში ზოოკუთხე განახლდება

მიმდინარე წელს ბათუმის ბულვარის ადმინისტრაცია ბულვარში არსებული ზოოკუთხის განახლებას გეგმავს. ზოოკუთხეში არსებულ ვოლიერებს რეკონსტრუქცია ჩაუტარდება. შესაბამისი პროექტი, ბათუმის ბულვარის დირექტორის მოადგილის, გოჩა მჟავანაძის თქმით, უკვე შეძენილია და ბათუმის მერიისა და აჭარის კულტურული მემკვიდრეობის დაცვის სააგენტოდან ნებართვებიც მიღებულია.

ამ ეტაპზე ბულვარის ადმინსტრაცია ბიუჯეტში ცვლილებების შეტანას ელოდება, რის შემდეგაც სარეკონსტრუქციო სამუშაოებზე ტენდერი გამოცხადდება.  პროექტის ჯამური ღირებულება 36 840 ლარს შეადგენს.

ბულვარის ზოოკუთხეში 139 ბინადარია. აქედან 4 ხმელეთის კუ, დანარჩენი კი ფრინველია. ადმინისტრაციის ინფორმაციით, ყველა მობინადრე ჯანმრთელია. შემოდგომაზე კი, ფრინველების ახალი სახეობების შეძენაც იგეგმება, რისთვისაც 25 000 ლარი აქვთ გათვალისწინებული.

ზოოკუთხის მოვლა-პატრონობა და მობინადრეთა საკვებით უზრუნველყოფა ბათუმის ბულვარს წელს 64 280 ლარი დაუჯდება. შესაბამისი ხელშეკრულება ინდმეწარმე ამირან მურვანიძესთან აქვთ გაფორმებული.

სარეაბილიტაციო სამუშაოები ბულვარის ზოოკუთხეში 2015 წელსაც ჩატარდა – ზოოკუთხე 200 კვ.მ-ით გაფართოვდა, გაიწმინდა გედების ტბა, ფსკერი სპეციალური წყალგაუმტარი მასალით მოპირკეთდა, ასევე ტბის ირგვლივ არსებული პლასტმასის მოაჯირეები რკინის ჭედური მოაჯირებით შეიცვალა.

19047319_394243667643314_1883020927_o

ზოოკუთხე ბათუმის ბულვარში / 8.06.2017 / გულნარა კაკაბაძის ფოტოები

19024790_394243160976698_2010936264_o19074790_394243050976709_2112429606_o19095910_394243044310043_1180609430_o19024579_394244380976576_1762968312_o

 

 

გადაბეჭდვის წესი


ასევე: