Batumelebi | ახალი კუთხე პირველი ქართული კოსმოსური ობიექტის ავტორზე ნობელების მუზეუმში [ანონსი] ახალი კუთხე პირველი ქართული კოსმოსური ობიექტის ავტორზე ნობელების მუზეუმში [ანონსი] – Batumelebi
RU | GE  

ახალი კუთხე პირველი ქართული კოსმოსური ობიექტის ავტორზე ნობელების მუზეუმში [ანონსი]

2017 წლის 30 მაისს, 16 საათზე, აჭარის კულტურული მემკვიდრეობის დაცვის სააგენტოს ძმები ნობელების სახელობის ბათუმის ტექნოლოგიურ მუზეუმში ახალი საექსპოზიციო კუთხე გაიხსნება, რომელიც ისტორიაში პირველი ქართული კოსმოსური ობიექტის – „რეფლექტორული ანტენის“ და მისი გენერალური კონსტრუქტორის, აკადემიკოსის და გენერალ-მაიორის, ელგუჯა მეძმარიაშვილის შესახებ მოგვაწვდის ინფორმაციას.

აღნიშნული ობიექტის ღია კოსმოსურ სივრცეში წარმატებული გამოცდა და დამოუკიდებელ ორბიტაზე გადასვლა საქართველოს ისტორიაში განსაკუთრებული ეროვნული მნიშვნელობის მოვლენად იქცა და საერთაშორისო არენაზე აღიარებულ იქნა მსოფლიო კოსმონავტიკის ახალი, პრიორიტეტული მიმართულების დასაწყისად. რეფლექტორი შეიქმნა, დაპროექტდა, დამზადდა და წინასაფრენოსნოდ გამოიცადა საქართველოში, ქართველების მიერ ქართული კოსმოსური ობიექტის კოსმოსურ ორბიტაზე გატანას მიეძღვნა ორი ქართული საფოსტო მარკის გამოცემაც.

ნაჩვენები იქნება დოკუმენტური ვიდეომასალით შექმნილი კლიპი და ფილმი.

ღონისძიების ფარგლებში, მუზეუმის მცირე დარბაზი  მხატვარ ირმა სურმანიძის მიერ წარმოდგენილ კოსმოსურ სივრცეს დაეთმო, რომლის მოხატვის პროცესი ვიზიტორთა თვალწინ მიმდინარეობდა.

18720979_1546828092025876_5203961_o

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com