ზაფხულის ბოლოს ბათუმი „ბათუმობას“ ზეიმობს. 5 დღიანი ზეიმი ბათუმში 30 აგვისტოდან 3 სექტემბრამდე გაიმართება. ინფორმაციას ამის შესახებ ბათუმის მერიის პრესსამსახური ავრცელებს. როგორც ოფიციალურ პრესრელიზშია ნათქვამი ამ დღესთან დაკავშირებით, მოსაწვევი წერილები პოსტსაბჭოთა სივრცის მთავარი ქალაქების მუნიციპალიტებში გაიგზავნება (რუსეთი, უკრაინა, ყაზახეთი).
„5 საზეიმო დღის განმავლობაში ქალაქის ყველა საპატიო სტუმარი, ტურისტი და საქმიანი ვიზიტორი დაგეგმილი ღონისძიებების ფარგლებში – ქალაქის ქუჩებში, სკვერებსა და ბაღებში მოწყობილი სანახაობებითა და ექსპოზიციებით, კონცერტებითა და წარმოდგენებით შეძლებენ გაეცნონ ბათუმის კულტურულ ფენომენს, საქმიან რესურს თუ ტურისტულ პოტენციალს,“ – ნათქვამია პრესრელიზში.
ღონისძიების მიზანი ბათუმის, როგორც ტურისტულ/კულტურული/საგანმანათლებლო ცენტრისა და მნიშვნელოვანი ეკონომიკური სივრცის რეკლამირებაა.
