Batumelebi | ჟურნალისტი ჯაბა ანანიძე პოლიციამ დაკითხა ჟურნალისტი ჯაბა ანანიძე პოლიციამ დაკითხა – Batumelebi
RU | GE  

ჟურნალისტი ჯაბა ანანიძე პოლიციამ დაკითხა

 

შეურაცხმყოფელი კონტენტის მქონე ფეისბუქ გვერდის გამო, პოლიციამ ჯაბა ანანიძე დაკითხა. ამ წუთებში კი პოლიციაში აჭარის ტელევიზიის ჟურნალისტი ტარიელ ცეცხლაძე და ტვ 25-ის ჟურნალისტი სულხან მესხიძე იმყოფებიან.

 

ჟურნალისტების შეურაცხმყოფელი ფეისბუქ გვერდი ინტერნეტში გუშინ გამოჩნდა, რის გამოც ჯაბა ანანიძემ გუშინვე მიმართა პოლიციის მეორე ქვეგანყოფილებას, გამოიძონ ვინ არის გვერდის ავტორი – “დღეს დაგვიბარეს გასაუბრებაზე, ანუ ეს იყო სწინასწარი საგამოძიებო მოქმედება, გასაუბრება–გამოკითხვის სახით. მე მათ მოვუყევი დეტალები, თუ როგორ განვითარდა მოვლენები ორშაბათიდან დღემდე. ასევე დავაფიქსირე ის გარემოებაც, რომ ეჭვი მაქვს ამ გვერდის შექმნა უკავშირდება სატელეფონო სკანდალს ჩემსა და დეპუტატს შორის”, – ამბობს ჯაბა. 

 

ჯაბა ანანიძემ დეპუტატ მედეა ვასაძის მხრიდან მასზე განხორციელებული ზეწოლისა და დისკრიმინაციის შესახებ კანონის დარღვევის გამო პროკურატურას ორშაბათს მიმართა, თუმცა გამოძიება დღემდე არ დაწყებულა – “მიუხედავად იმისა, რომ პროკურატურას ეს ყველაფერი დეტალურად დავუწერეთ და სატელეფონო საუბრის ჩანაწერიც მივაწოდეთ, მათ მხოლოდ შესწავლა დაიწყეს, გამოძიება კი არა. არც დაკითხვაზე დავუბარებივარ და არც ჩვენების სახით ჩაუწერიათ ჩემგან რამე”, – ამბობს ჟურნალისტი.

 

 

 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"