ფირუზ წულუკიძისა და თემურ ბახუნტარიძის ადვოკატი ირაკლი შავაძე სახელმწიფოს გულგრილობაში ადანაშაულებს. შავაძის განმარტებით დაკავებისას ბრალდებულები სცემეს და აწამეს.
„არაადამიანურად აწამეს წულუკიძე და ბახუნტარიძე, ეს თქვეს სასამართლოზე დაკავებულებმა. საჯაროდ განვაცხადე მე, წერილობით მივმართე პროკურატურას მაგრამ რეაგირება არ მოუხდენია,“- განაცხადა შავაძემ სასამართლო პროცესზე.
იუსუფ ლაკაევის ადვოკატმა გია ტაბლიაშვილმა მოსამართლე დავით მამისეიშვილს სთხოვა მიიღოს სამართლიანი და ობიექტური გადაწყვეტილება და გაამართლოს ლაკაევი.
ლაკაევისა და მასთან ერთად დაკავებულების საქმეზე საბოლოო გადაწყვეტილებას სასამართლო 13 ივნისამდე გამოაცხადებს.
იუსუფ ლაკაევი ფირუზ წულუკიძესა და თემურ ბახუნტარიძესთან ერთად 2013 წლის 14 სექტემბერს დააკავეს.
