Batumelebi | ბათუმში 26 მაისისთვის დაგეგმილი საზეიმო გახსნა გადაიდო ბათუმში 26 მაისისთვის დაგეგმილი საზეიმო გახსნა გადაიდო – Batumelebi
RU | GE  

ბათუმში 26 მაისისთვის დაგეგმილი საზეიმო გახსნა გადაიდო

 

ბათუმის მერიის მიერ დღის 12 საათისთვის დაგეგმილი საზეიმო ღონისძიების გახსნა გადაიდო. ღონისძიება საქართველოს დამოუკიდებლობის დღის აღსანიშნავად ევროპის მოედანზე უნდა გამართულიყო.

 

ღონისძიების გადადების მიზეზებს ბათუმის მერიაში ვერ აკონკრეტებენ.

ცვლილებები შევიდა დაგეგმილ პროგრამაში. 14:00 საათზე დაგეგმილი კამერული მუსიკის კონცერტიც აღარ გაიმართება. „ბერიკები“ კი ერას მოედნის ნაცვლად, მსვლელობებს ქალაქის სხვადასხვა უბნებში გამართავენ.

რამდენიმე წუთში კი საოცრებათა მოედანზე, ანბანის კოშკის მიმდებარედ, სამხედრო ტექნიკის გამოფენა უნდა გაიმართოს.

ილია ჭავჭავაძის ძეგლის მიმდებარედ კი ძველი და ახალი ბათუმის ფოტოების გამოფენა მიმდინარეობს. იქვე სკვერში,  „ბათუმის ქარტიის“ ხელმოწერის ცერემონიაც გაიმართება.

ნეტგაზეთის მასალების სხვა გამოცემებში გადაბეჭდვის წესი
"ბათუმელები"