8 მაისს, 19:00 საათზე, ბათუმის კულტურის ცენტრის საზაფხულო თეატრის სცენაზე, კონცეპტუალური დრამა ილია ჭავჭავაძის ცხოვრებისა და მოღვაწეობის შესახებ, “საუკუნის მკვლელობა” დაიდგმება.
ილია ჭავჭავაძის საიუბილეო წლის ფარგლებში, ამავე დღეს, ბათუმის საზაფხულო თეატრში თემატური გამოფენაც მოეწყობა.
ღონისძიებაში ჩართულია შემოქმედებითი გაერთიანება “ეროვნული იმპერატივი,” ილია ჭავჭავაძის საქველმოქმედო ფონდი და ნოდარ დუმბაძის სახელობის მოზარდ მაყურებელთა სახელმწიფო თეატრი.
სპექტაკლის ავტორი და დამდგმელი რეჟსორია გიორგი სავანელი. სპექტაკლში მონაწილეობენ: გიორგი იარაჯული, თეკა კოხრეიძე, ქეთევან შერვაშიძე, ასმათ ქურციკიძე, ნინო ჩხიკვიშვილი, გიორგი სავანელი, თორნიკე ჩიხლაძე, ლაშა ჩხვიმიანი, ვაკო კობერიძე, გორგი გურული, თამარ ადამია და ცოტნე ხუბუტია.
სპექტაკლზე დასწრება თავისუფალია.
