Batumelebi | სურსათის უვნებლობის სააგენტომ ბათუმში 22 ბისზნესოპერატორი დააჯარიმა სურსათის უვნებლობის სააგენტომ ბათუმში 22 ბისზნესოპერატორი დააჯარიმა – Batumelebi
RU | GE  

სურსათის უვნებლობის სააგენტომ ბათუმში 22 ბისზნესოპერატორი დააჯარიმა

ერთი თვის მანძილზე საქართველოს სურსათის უვნებლობის სააგენტომ ბათუმში 22 ბიზნესოპერატორი დააჯარიმა – ასეთია სააგენტოს მიერ აპრილში განხორციელებული კვლევის შედეგები. დაჯარიმებულ ობიექტებს შორისაა სურსათის წარმოებისა და რეალიზაციის უფლების მქონე ორგანიზაციები.

აპრილში სააგენტომ 97 ინსპექტირება ჩაატარა და დოკუმენტურად შეამოწმა 50 ბიზნესოპერატორი.

მთელი ქვეყნის მასშტაბით დოკუმენტურად შემოწმდა 756 ობიექტი, მათ შორის: აგრარული ბაზრები, საზოგადოებრივი კვების ობიექტები, ხორცის, ხორცპროდუქტების, რძის, რძის პროდუქტების, თევზის, პურფუნთუშეულისა და სხვ. სურსათის მწარმოებლები და სარეალიზაციო ობიექტები.

აპრილში შემოწმების შედეგად გამოვლენილი დარღვევების გამო სურსათის ეროვნულმა სააგენტომ მთელი ქვეყნის მასშტაბით დააჯარიმა 141 ბიზნესოპერატორი, საწარმოო პროცესი შეუჩერდა 13 ბიზნესოპერატორს, მათ შორის: პურისა და პურფუნთუშეულის, ნახევარფაბრიკატების, რძისა და რძის პროდუქტების საწარმოებსა და სარეალიზაციო ობიექტებს, 2 მარკეტს, საზოგადოებრივი კვების 5 ობიექტსა და ცხოველთა ერთ სასაკლაოს.

მიმდინარე წლის იანვრიდან აპრილის ჩათვლით, შემოწმების შედეგად საქართველოში დაჯარიმდა 336 ბიზნესოპერატორი, ხოლო საწარმოო პროცესი 53 ბიზნესოპერატორს შეუჩერდა.

მთავარ ფოტოზე: ბათუმის ბაზარი. ფოტო „ბათუმელების“ არქივიდან.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com