შინაგან საქმეთა სამინისტროს საინფორმაციო-ანალიტიკური დეპარტამენტის ინფორმაციით, 2017 წლის აპრილის თვე 510 594 ვიზიტით განისაზღვრა, რაც 2016 წლის იმავე პერიოდის მაჩვენებელზე 10,2 %-ით მეტია.
რაც შეეხება იანვარ-აპრილის ინტერვალს, ქვეყანაში უკვე 1 776 719 ვიზიტი განხორციელდა, რაც 11,1%-ით მეტია 2016 წლის ანალოგიური საანგარიშო პერიოდის მაჩვენებელზე, ხოლო რაც შეეხება ტურისტულ ვიზიტს, ის 736 265-ით განისაზღვრა, რაც 2016 წლის იმავე პერიოდის მაჩვენებელზე 26,9%- ით მეტია.
ამასთან, შემოღებული პირობითი დაყოფის მიხედვით, 2017 წლის აპრილში ხვედრითი წილის ურთიერთმიმართება შემდეგია:
[checklist]
- ტურისტი – 222 622 ვიზიტი (საერთო რაოდენობის 43,6%, მატება წინა წლის ანალოგიურ მაჩვენებელთან 29,7%);
- ტრანზიტი – 107 865 ვიზიტი (საერთო რაოდენობის 21,1%, მატება წინა წლის ანალოგიურ მაჩვენებელთან 0,3%);
- სხვა – 180 107 ვიზიტი (საერთო რაოდენობის 35,3%, კლება წინა წლის ანალოგიურ მაჩვენებელთან -2,1%).
[/checklist]
შსს-ს საინფორმაციო-ანალიტიკური დეპარტამენტის მონაცემებით: „2017 წლის აპრილშიც ყველაზე მეტი ვიზიტი კვლავ სომხეთიდან (+13,2%), აზერბაიჯანიდან (+7,1%), თურქეთიდან (-19,2%), რუსეთიდან (+16,5%), უკრაინიდან (+27,2%) და ირანიდან (+183,9%) განხორციელდა.
ასევე, პოზიტიური ტენდენცია ნარჩუნდება ევროკავშირის ქვეყნებიდან, საიდანაც საქართველოში ჩამოსვლების რაოდენობის ზრდის კუთხით, იანვარ-აპრილშიც გამოირჩეოდა: გერმანია, პოლონეთი, საფრანგეთი, დიდი ბრიტანეთი, ლიტვა და ბულგარეთი (შესაბამისად 43%, 30%, 30%, 26%, 25% და 22%), ახლო აღმოსავლეთიდან – ისრაელი (67 %), შუა აზიის ქვეყნებიდან – ყაზახეთი (18%), უზბეკეთი (190%), თურქმენეთი (113%). აღმოსავლეთ ევროპის ქვეყნებიდან – ბელორუსია (28%) და მოლდოვა (7%). აქვე აღსანიშნავია ამერიკის შეერთებული შტატების მოქალაქეების 17%-იანი ზრდა“.
ფოტო: ბათუმის ბულვარი / „ბათუმელების“ არქივიდან
