2014 წლის 5 მაისს, 15:00 საათზე გაიმართება აჭარის ავტონომიური რესპუბლიკის სოფლის მეურნეობის სამინისტროსა და მის სისტემაში შემავალი დაწესებულებების, ა(ა)იპ აგროსერვისცენტრის და სსიპ ლაბორატორიული კვლევითი ცენტრის, 2015–2018 წ პრიორიტეტების დოკუმენტის განხილვა.
შეხვედრას დაესწრებიან სოფლის მეურნეობის მინისტრის მოადგილეები, აჭარის მთავრობის, ფინანსთა და ეკონომიკის სამინისტროს, მუნიციპალიტეტების, მედიისა და არასამთავრობო ორგანიზაციების წარმომადგენლები, აჭარის უმაღლესი საბჭოს აგრარული კომისიის წევრები და ფერმერები.
