Batumelebi | ბათუმში ახალი საავადმყოფო და უნივერსიტეტი შენდება ბათუმში ახალი საავადმყოფო და უნივერსიტეტი შენდება – Batumelebi
RU | GE  

ბათუმში ახალი საავადმყოფო და უნივერსიტეტი შენდება

 

ბათუმში ახალი საავადმყოფო და უნივერსიტეტი შენდება. საავადმყოფოს მშენებლობის პროცესს დღეს აჭარის  ჯანმრთელობისა და სოციალური დაცვის მინისტრი ნუგზარ სურმანიძე და თურქეთში მომუშავე  ქართველი კარდიოლოგი ისმეთ დინდარი გაეცნენ.

 

ნუგზარ სურმანიძის განცხადებით ახალი კლინიკა თანამედროვე სტანდარტებით იქნება აღჭურვილი.   მრავალპროფილური კლინიკა 100 საწოლზეა გათვლილი. პაციენტებს კარდიოქირურგიულ მომსახურებასთან ერთად თითქმის ყველა სახის სამედიცინო მომსახურების მიღება შეეძლებათ.

 

საავადმყოფოს ბაზაზე დაგეგმილია  „ბაჰჩეშეჰირის“ უნივერსიტეტის ფილიალის გახსნა, რომელსაც  პროფესორი ისმეთ დინდარი უხელმძღვანელებს. სამედიცინო განათლების მიღების მსურველებს უნივერსიტეტში სწავლა ინგლისურ ენაზე შეეძლებათ, სტუდენტები სასწავლო კურსის ნაწილს „BAU”-ს უნივერსიტეტის სხვადასხვა ფილიალში გაივლიან.

 

ახალი საავადმყოფოსა და უნივერსიტეტის გახსნა 2014 წლის სექტემბერშია დაგეგმილი. საავადმყოფოსა და უნივერსიტეტის მშენებლობა თურქული ინვესტიციით ხორციელდება.

 

 

 

 

 

 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"