„თავისუფალ ჟურნალისტთა სახლის“ ბაზაზე არსებული „ბათუმის ახალგაზრდული ცენტრი“ 2 მაისს, „ ადვოკატირება საგზაო უსაფრთხოებისათვის“ კამპანიის ფარგლებში მეორე ეტაპს იწყებს.
ცენტრის წევრები დღეს, პირველ საჯარო სკოლაში, დაწყებითი საფეხურის მოსწავლეებისთვის თანატოლთა ტრენინგს ჩაატარებენ.
აღნიშნული ტრენინგი კიდევ ბათუმის 3 საჯარო სკოლაში გაიმართება.
ადვოკატირების კამპანია ბათუმის საპატრულო პოლიციასთან ერთად ტარდება და მისი მიზანი საზოგადოების ცნობიერების ამაღლება ქვეითად მოსიარულეთა უფლებებისა და საგზაო უსაფრთხოების დასაცავად.
აქტივობა ხორციელდება პროექტის – „ეროვნული ინტეგრაციის გაძლიერება საქართველოში“ ფარგლებში, რომელსაც საქართველოს გაეროს ასოციაცია (UNAG), ამერიკის შეერთებული შტატების საერთაშორისო განვითარების სააგენტოს (USAID) ფინანსური მხარდაჭერით ახორციელებს.
