ადვოკატი ირაკლი შავაძე ვარაუდობს, რომ ხელვაჩაურის მიწების საქმეზე ბრალდებულ ამზომველებს ხვალ სააპელაციო სასამართლოს მოსამართლე გიორგი მიროტაძე აღმკვეთი ღონისძიების ფორმას შეუცვლის და გირაოს შეუფარდებს: „რადგან ეს მოსამართლე პოლიტიკურ ინტერეს ემსახურება და გავლენას ახდენენ საზოგადოებაზე, არჩევნებში არიან პირდაპირ ჩართულები მოსამართლეების ნაწილი.
გაუფრთხილებლობაზე როცა ქალს უფარდებენ პატიმრობას როცა კანონი ითვალისწინებს ჯარიმასაც, ცხადია ეს მოსამართლეები ემსახურებიან სხვა მიზანს, რაც შეიძლება ცუდი განწყობა უნდათ რომ შექმნან საზოგადოებაში, მაშინ როცა ყაჩაღობაზეც არ უფარდებენ პატიმრობას. მიროტაძესაც იმიტომ დაეწერა ეს საქმე შეცვლის ხვალ პირველი ინსტანციის გადაწყვეტილებას რომ ამ ბრალდებულების ოჯახებსა და ახლობლებს ხელისუფლებაზე ცუდი წარმოდგენა შეექმნათ და ხმა არ მისცენ არჩევნებში მათ“.
ადვოკატის ინფორმაციით, გიორგი მიროტაძემ ამზომველების საქმე სააპელაციო სასამართლოში დასაშვებად სცნო, მაშინ როცა იგივე მიწის საქმეზე ხელვაჩურის მუნციპალიტეტის საჯარო რეესტრის თანამშრომლების პატიმრობის შეფარდების საკითხზე მსჯელობა დაუშვებლად მიიჩნია.
ეგრეთ წოდებულ ხელვაჩაურის მიწის საქმეზე 42 პირია ბრლადებული, მათ შორის ერთი საჯარო რეესტრის თანამშრომელი ქალია.
მოსამართლე გიორგი მიროტაძე მუშაობდა შს სამინისტროსა და სხვადასხვა სახელნწიფო უწყებებში.
