ჯუმბერ თავართქილაძემ ბრიფინგზე პირობა დადო რომ იქნება სამეურნეო საქმიანობით დაკავებული მერი. ამბობს, რომ კარგად იცის ის პროგრამები და საქმიანობა, რომელიც ბათუმის მერიაში ხორციელდება:
„ გადავწყვიტე პრობლემას პროფესიული კადრებით შევეჭიდო. გპირდებით ვიქნები არა პოლიტიკოსი მერი, არამედ სამეურნეო საქმიანობით დაკავებული მეურნე მერი და ბათუმის მერიას, როგორც არასდროს ისე ჩავაყენებ ბათუმელების სამსახურში“.
ჯუმბერ თავართქილაძემ „ხალხის პარტიის“ პოლიტსაბჭოს გადაწყვეტილებით ჟურნალისტებს მაჟორიტარ დეპუტატობის კანდიდატების სიაც გააცნო: მანუჩარ შერვაშიძე, როინ რიჟვაძე, შაქრო ჩიკვაიძე, ენვერ ხალვაში, მურმან აბაშიძე, ჯუნა კიტაზბა, დავით იაკუბაშვილი, ავთო შერვაშიძე, ლევან თავართქილაძე, ალექსანდრე ტაკიძე, გიორგი შავაძე, ნათია შერვაშიძე. როგორც ჯუმბერ თავართქილაძემ აღნიშნა მაჟორიტარ-დეპუტატობის კანდიდატებს პარტია შეძლებისდაგვარად ყველა უბანზე წარმოადგენს.
ჯუმბერ თავართქილაძე „ხალხის პარტიის“ აჭარის რეგიონული ორგანიზაციის დამფუძნებელი და 2006 წლიდან დღემდე, ორგანიზაციის თავმჯდომარეა.
