დღეს, 21 აპრილს, „ნაციონალურმა მოძრაობამ“ აჭარის ორგანიზაციის ახალი პოლიტსაბჭო აირჩია. პარტიის პრესსპიკერის ლია ჯაყელის თქმით, პოლიტსაბჭოს თავმჯდომარედ გია აბულაძე აირჩიეს.
„კონფერენციას ესწრებოდნენ საქალაქო და რაიონული ორგანიციების წევრები, დავამტკიცეთ პოლიტიკური საბჭო, რომელიც განსაზღვრავს „ნაციონალური მოძრაობის“ აქტიურობას აჭარაში.
პოლიტსაბჭოს მთავარი ფუნქციაა დაგეგმოს წინასაარჩევნო კამპანია და მოსახლეობას დროულად წარუდგინოს პარტიული სია და მაჟორიტარობის კანდიდატები“.
ლია ჯაყელის განცხადებით, პოლიტსაბჭოში 5 ახალი წევრია, მათ შორის არიან როგორც ახალი, ასევე ნაციონალური მოძრაობის ცნობილი მხარდამჭერები.
კენჭიყრის შედეგად არჩეული პოლიტსაბჭოს წევრები არიან: ლევან ანთაძე, ლია მგელაძე, მამუკა ხარაზი, გია აბულაძე, ირაკლი ზოიძე, რობერტ ჩხაიძე, გივი ნახუცრიშვილი, მიხეილ მახარაძე და ნუგზარ ამაღლობელი.
ცოტა ხნის წინ „ნაციონალური მოძრაობა“ დატოვა პარტიის ერთ-ერთმა აქტიურმა წევრმა, პეტრე ზამბახიძემ, რომელიც აჭარის უმაღლესი საბჭოს დეპუტატი იყო „ნაციონალური მოძრაობიდან“.
