Batumelebi | აქცია პირბადეებით აქცია პირბადეებით – Batumelebi
RU | GE  

აქცია პირბადეებით

 

დღეს ბათუმის ახალგაზრდული ცენტრის წევრებმა, ერთჯერადი პირბადეებისა და ხელსახოცების პოპულარიზაციისთვის აქცია მოაწყვეს.

 

 

აქციის მონაწილეებმა ქუჩაში ერთჯერადი პირბადეები და ხელსახოცები დაარიგეს:


“პოპულარიზაციას ვუწევთ ვირუსების დროს ერთჯერადი პირბადეებისა და ხელსახოცების, ერთჯერადად გამოყენებას და მათ ქუჩაში არ დაყრას იმიტომ, რომ ასე შეიძლება ვირუსი სხვასაც გადავდოთ. გაზაფხული ვირუსების სეზონია, ამიტომ შევარჩიეთ სწორედ ეს პერიოდი ამ აქციისთვის. გვინდა, რომ ისევე, როგორც ევროპულ ქვეყნებში, საქართველოს საჯარო დაწესებულებებშიც იყოს პირბადეების კულტურა. ადამიანებს არ უნდა რცხვენოდეთ ვირუსის ქონის დროს ქუჩაში პირბადით გამოსვლა და ამის გამო ისინი, თითით საჩვენებელი არ უნდა ხდებოდნენ მოსახლეობისთვის” – ამბობს აქციის ერთ-ერთი მონაწილე თეონა გურგენიძე.


ბათუმის ახალგაზრდული ცენტრის წევრები მომავალში ამ თემაზე სკოლებში, თავიანთ თანატოლებსაც დაატრენინგებენ.

 

 

 

 

ნეტგაზეთის მასალების სხვა გამოცემებში გადაბეჭდვის წესი
ია ფრანგიშვილი