20 აპრილს, 13:00 საათზე, ბულვარის კოლონადებთან საქველმოქმედო „სააღდგომო ფესტივალი“ გაიმართება.
ბათუმის ბულვარის პრესსამსახურის ინფორმაციით, ფესტივალზე წარმოდგენილი იქნება საკონდიტრო კომპანიების მიერ მომზადებული სააღდგომო პასკები და სადღესასწაულო პროდუქცია, საგამოფენო კუთხეები, თემატურად დატვირთული კანაპეები, სააღდგომო ნახატები და ხელნაკეთი ნივთები [გამოფენა-გაყიდვა-დეგუსტაცია].
გამოფენაზე ასევე მოეწყობა სააღდგომო კვერცხების დეკორატიული მოხატვის მასტერკლასები და კონკურსები, რომელშიც მონაწილეობას მიიღებენ ბათუმის საბავშვო ხელოვნების კერძო და სახელმწიფო სტუდიები.
ფესტივალი საზეიმო კონცერტით გაიხსება. ფესტივალზე ვოკალურ და ქორეოგრაფიულ ნომრებს შეასრულებენ: მუსიკოსი – ვაჟა ტუღუში; აჭარის სიმღერისა და ცეკვის სახელმწიფო აკადემიური ანსამბლი, ბათუმის კულტურის ცენტრთან არსებული ვაჟთა და ქალთა ვოკალური ანსამბლები, ბავშვთა ქორეოგრაფიული ანსამბლები: “ხიხანი”, „ახალი თაობა”, ხელვაჩაურის ბავშვთა ქორეოგრაფიული ანსამბლი – “მაჭახელა”;
ბულვარის ადმინისტრაციის ინიციატივით საქველმოქმედო პროექტი “სააღდგომო ფესტივალი” ტრადიციულ სახეს მიიღებს და ბათუმში ყოველწლიურად გაიმართება.
ღონისძიების განსაკუთრებული სტუმრები იქნებიან მიუსაფარი და შეზღუდული შესაძლებლობების მქონე ბავშვები. გამოფენაზე წარმოდგენილი პროდუქცია ბავშვთა სახლსა და მოხუცებულთა თავშესაფარში დარიგდება. ფესტივალის ბოლოს ყველა მონაწილეს სააღდგომო საჩუქრები გადაეცემა.
ღონისძიების მონაწილეები:
– ჰიპერმარკეტი „გუდვილი“; „ვილმარტი“; საკონდიტრო კომპანიები: „სვით ქეიქი“ და „კარამელი“;
– პროფესიული კოლეჯები: „ბლექ სი“ და „ახალი ტალღა“
– ხელოვნების სტუდიები: “ანდამატი“ აჭარის ხალხური ხელოვნების სკოლა“ „ხელმარჯვე თითები“ სკოლა-ლიცეუმი „მასტერკლასი“ და ქემალ თურმანიძის ეთნოგრაფიული მუზეუმი.
– ფატი მალაყმაძისა და ნინო კოპლატაძის ტრადიციული სამოსისა და ფოლკლორის სკოლა-სტუდია.
ფესტივალის მხარდამჭერები: აჭარის მთავრობა, ქ. ბათუმის მერია და ა(ა)იპ “ბათუმის კულტურის ცენტრი“.
დასწრება თავისუფალია.
