Batumelebi | შსს-მ ქობულეთში ცეცხლსასროლი იარაღი ამოიღო შსს-მ ქობულეთში ცეცხლსასროლი იარაღი ამოიღო – Batumelebi
RU | GE  

შსს-მ ქობულეთში ცეცხლსასროლი იარაღი ამოიღო

 

ქობულეთის რაიონული სამმართველოს თანამშრომლებმა, ოპერატიული ინფორმაციის საფუძველზე ჩატარებული საგამოძიებო ღონისძიების შედეგად, იარაღის მართლსაწინააღმდეგო შეძენა-შენახვის ბრალდებით, ქობულეთის რაიონის სოფელ ზედა კვირიკეს მცხოვრები დააკავეს.

 

 

სამართალდამცველებმა ბრალდებულის საცხოვრებელი სახლის და დამხმარე ნაგებობების ჩხრეკისას ამოიღეს: „კალაშნიკოვი“-ს კონსტრუქციის ორი ცეცხლსასროლი იარაღი ორი მჭიდით, „გეკო“-ს ტიპის ორი მცილეკალიბრიანი შაშხანა და მაშხალის გასასროლი ერთი პისტოლეტი. ასევე ამოღებულია სხვადასხვა ტიპის ცეცხლსასროლი იარაღის 155 საბრძოლო ვაზნა.

 

გამოძიება იარაღის მართლსაწინააღმდეგო შეძენა-შენახვის ფაქტზე მიმდინარეობს.

ნეტგაზეთის მასალების სხვა გამოცემებში გადაბეჭდვის წესი
"ბათუმელები"