Batumelebi | მოქალაქე საქართველოს პარლამენტის წინააღმდეგ მოქალაქე საქართველოს პარლამენტის წინააღმდეგ – Batumelebi
RU | GE  

მოქალაქე საქართველოს პარლამენტის წინააღმდეგ

 

ამ წუთებში, ბათუმში  საკონსტიტუციო სასამართლო  საქართველოს პარლამენტის წინააღმდეგ მოქალაქე  ია უჯმაჯურიძის სარჩელის განიხილავს.

 

 

ია უჯმაჯურიძემ „ნოტარიატის შესახებ“ საქართველოს კანონის მე-14 მუხლის იმ ქვეპუნქტის არაკონსტიტუციურად ცნობა მოითხოვა, სადაც ნათქვამია, რომ ნოტარიუსის თანამდებობაზე პირი არ დაინიშნება თუ ის საჯარო სამსახურიდან დისციპლინარული გადაცდომის, უფლებამოსილების გადამეტების გამოა გათავისუფლებული.

 

 

მოსარჩელე ია უჯმაჯურიძე  მიიჩნევს, რომ აღნიშნული მუხლი დისკრიმინაციას შეიცავს და ეწინააღმდეგება საქართველოს კონსტიტუციის მე-14 მუხლს, რომელიც უზრუნველყოფს კანონის წინაშე ადამიანების თანასწორობას.

 

 

როგორც ია უჯმაჯურიძე ამბობს, საჯარო სამსახურიდან პირადად თვითონ გაათავისუფლეს დისციპლინარული ნორმის დარღვევის გამო, თუმცა ჩაბარებული აქვს ნოტარიუსის საკვალიფიკაციო გამოცდა და მომავალში სურს გახდეს ნოტარიუსი. ეს შეზღუდვა კი მას ნოტარიუსად გახდომის საშუალებას არ აძლევს.

 

 

ნეტგაზეთის მასალების სხვა გამოცემებში გადაბეჭდვის წესი
ნინო ხიმშიაშვილი