Batumelebi | სტუდენტები ღურტაში გეგმავენ წასვლას სტუდენტები ღურტაში გეგმავენ წასვლას – Batumelebi
RU | GE  

სტუდენტები ღურტაში გეგმავენ წასვლას

 

 

ბათუმის უნივერსიტეტის სტუდენტები  ხვალ ღურტაში წასვლას გეგმავენ. ისინი აპირებენ სოფელში დაგეგმილ შეხვედრას დაესწრონ, რომელიც ადგილობრივ მცხოვრებლებსა და მთავრობის წარმომადგენლებს შორის უნდა გაიმართოს.  

 

„ჩვენ უკვე ვიყავით ღურტაში, ხვალაც ვაპირებთ ასვლას. გვაწუხებს როგორც მოსახლეობის ბედი, ასევე ეკოლოგიური ფაქტორიც. სოფელი მეწყერსაშიშ ზონაშია, იქ ჰესის მშენებლობა არ შეიძლება.

 

არ ვიცი რამდენი სტუდენტი ვიქნებით, ვისაც შეუძლია ყველა წამოვა, წასვლას ჩვენივე ხარჯებით ვგეგმავთ, ვისაც წამოსვლა არ შეუძლია ორ-სამ ლარს აგროვებს ჩვენთვის.“ – ამბობს მარი ზედგინიძე, ბათუმის უნივერსიტეტის პირველი კურსის სტუდენტი.

 

რვა მარტს, მოსახლეობის აქცია  მაღალმთიან აჭარაში ჰესის მშენებლობის წინააღმდეგ, პოლიციამ ძალის გამოყენებით დაშალა. ბათუმის უნივერსიტეტის სტუდენტები ცხრა მარტს ჩავიდნენ ღურტაში მოსახლეობის მხარდასაჭერად. 

 

სტუდენტები ღურტაში
სტუდენტები ღურტაში

ნეტგაზეთის მასალების სხვა გამოცემებში გადაბეჭდვის წესი
ქეთი ლაბაძე