12 მარტს,აჭარის მთავრობის სახლთან საქართველოს ენერგეტიკის მინისტრმა კახა კალაძემ ბათუმში გუშინ ღამით განვითარებული მოვლენები შეაფასა:
“ძალიან მძიმე ღამე იყო ბათუმისთვის. თავისუფლება არის ერთ-ერთი მთავარი მონაპოვარი იმ მონაპოვართაგან, რაც ჩვენმა ხალხმა მოახერხა 2012 წელს, თუმცა ეს არ ნიშნავს იმას, რომ გავცდეთ იმ ჩარჩოებს, კანონს და წესრიგს, რაც ამ მიმართულებით არსებობს.
გუშინ რაც მოხდა ეს იყო ვანდალიზმი და შესაბამისად ყველა ის პიროვნება, ვინც იყო ჩართული ამ ვანდალიზმში და აშკარად იკვეთება რომ ეს იყო მართული პროცესი, აუცილებლად კანონის მაქსიმალური სიმკაცრით აგებს პასუხს.
დაველოდოთ გამოძიებას და ყველა დამნაშავე იქნება დასჯილი.
ორგანიზებას რაც შეეხება, კითხვები უნდა დავუსვათ იმ ადამინებს ვინც ამ ვანდალიზმს მთელი ღამის განმავლობაში სოლიდარობას უცხადებდა, აკეთებდა განცხადებებს, რომ ქლაქებში, რეგიონებში შეკრებილიყვნენ და სოლიდარობა გამოეცხადათ ვანდალიზმისთვის. ეს არის ძალიან მძმე. შესაბამისი სტრუქტურები მშაოებნ ყველა მიმართულებით, გამოძიება დაწყებულია, ყველა დამნაშავე კანონის წინაშე მაქსიმალური სიმკაცრით აგებს პასუხს.
რაც შეეხება კონკრეტულ პიროვნებებს და იდენტიფიცირებას, მიმდინარეობს ამ წუთებში და ამაზე შესაბამისი სტრუქტურების ხელმძღვანელებ გააკეთებენ განცხადებას” – კახა კალაძემ.
დღეს, ბათუმში, 11 მარტის აქციის შეფასებისას მოვლენების პროვოცირებაში „ერთიან ნაციონალურ მოძრაობას“ დასდო ბრალი უმრავლესობის წევრმა პარლამენტში, არჩილ თალაკვაძემაც.
„ერთიანი ნაციონალური მოძრაობა“ დღეს ბათუმში გუშინდელ აქციას სოლიდარობის აქციით აპირებდა გამოხმაურებოდა, თუმცა დღეს ცნობილი გახდა, რომ ენმ-მა დაანონსებული აქცია გააუქმა.
