Batumelebi | აქციაზე დაშავებულ დეპუტატს ოპერაციას თბილისში ჩაუტარებენ აქციაზე დაშავებულ დეპუტატს ოპერაციას თბილისში ჩაუტარებენ – Batumelebi
RU | GE  

აქციაზე დაშავებულ დეპუტატს ოპერაციას თბილისში ჩაუტარებენ

აჭარის უმაღლესი საბჭოს წევრს ირაკლი ჭეიშვილს ოპერაციას თბილისში ინგოროყვას კლინიკაში სავარაუდოდ დღეს ჩაუტარებენ. დეპუტატი, აჭარის პოლიციის მთავარ სამმართველოსთან გუშინ გამართულ აქციაზე დაშავდა, მას სახეში ქვა მოხვდა. რის შედეგადაც გატეხილი აქვს სახის ძვალი.
ჭეიშვილი არ ადასტურებს ინფორმაციას იმასთან დაკავშირებით, რომ აქციის მონაწილეები მის მიერ ჟურნალისტებთან გაკეთებულმა შეფასებამ გაანაწყენა.
„ … მე ვასრულებდი მედიატორის ფუნქციას პოლიციასა და აქციის მონაწილეებს შორის. უკვე გადაწყვეტილი იყო იმ პირების გათავისუფლება . ვესუბრე აქციის მონაწილეებს, რომ აქცია უნდა დაშლილიყო. გადადგებოდა პოლიციის უფროსიც, იმ შემთხვევაში თუ დადასტურდებოდა მისი ბრალეულობა. ჩემი აზრით, ამ ხალხის რაღაც ნაწილი იყო ორგანიზებული, რაღაც ნაწილი მართლა აღშფოთებული იყო. მაგრამ, ეს არ იყო მშვიდობიანი აქცია. მოქალაქეების ავტომანქანები დაწვეს და მაღაზიების ვიტრინებიც კი ჩაამტვრიეს. რაღაც დოზით გარკვეული ჯგუფი ადამიანებისა იყო მართული.
მე არ მაქვს ინფორმაცია გადააჭარბა თუ არა პოლიციამ, ან პოლიციის უფროსმა თავის უფლება- მოვალეობებს. “ – განაცხადა ირაკლი ჭეიშვილმა „ბათუმელებთან“ სატელეფონო საუბარში.

ნეტგაზეთის მასალების სხვა გამოცემებში გადაბეჭდვის წესი
ავტორი